Ծառայությունների մատուցման պայմաններ
Ընդհանուր դրույթներ և պայմաններ
1. Ընդհանուր դրույթներ
Սույն դրույթներն ու պայմանները սահմանում են Chicco Armenia-ի կայքից օգտվելու, պատվերներ ձևակերպելու, ապրանքներ ձեռք բերելու, ինչպես նաև ընկերության և հաճախորդների միջև ծագող հարաբերությունների հիմնական կանոնները։
Մուտք գործելով կայք, գրանցվելով կամ պատվեր ձևակերպելով՝ դուք հաստատում եք, որ ծանոթացել եք սույն դրույթներին ու պայմաններին և ընդունում եք դրանք, ինչպես նաև կայքի Գաղտնիության քաղաքականությունը։
Եթե համաձայն չեք նշված պայմաններից որևէ մեկին, խնդրում ենք չօգտվել կայքի ծառայություններից։
2. Պատվերների ձևակերպում և հաճախորդի պարտավորություններ
Կայքում պատվեր ձևակերպելիս հաճախորդը պարտավորվում է տրամադրել ճշգրիտ, ամբողջական և հավաստի անձնական տվյալներ, այդ թվում՝
-
Անուն և ազգանուն
-
Առաքման հասցե
-
Կոնտակտային հեռախոսահամար
-
Էլեկտրոնային փոստի հասցե
Տրամադրված տեղեկություններն անհրաժեշտ են պատվերը պատշաճ ձևակերպելու, մշակելու և առաքելու համար։
Ընկերությունը պատասխանատվություն չի կրում այն ուշացումների կամ խնդիրների համար, որոնք առաջացել են հաճախորդի կողմից սխալ կամ ոչ ամբողջական տվյալներ տրամադրելու հետևանքով։
3. Ապրանքի ստուգում և ընդունում
Պատվերը ստանալիս խնդրում ենք ստուգել ապրանքի արտաքին տեսքը, ամբողջականությունը և համապատասխանությունը ձևակերպված պատվերին։
Հնարավորության դեպքում ստուգումն անհրաժեշտ է իրականացնել առաքիչի ներկայությամբ կամ ապրանքը ստանալու պահին։
Եթե հայտնաբերել եք վնասված, թերի կամ պատվերին չհամապատասխանող ապրանք, խնդրում ենք այդ մասին տեղեկացնել Chicco Armenia-ի հաճախորդների սպասարկման թիմին ապրանքը ստանալուց հետո 24 ժամվա ընթացքում, որպեսզի կարողանանք հնարավորինս արագ ուսումնասիրել խնդիրը և առաջարկել համապատասխան լուծում։
Այս ժամկետը չի սահմանափակում սպառողի՝ ՀՀ օրենսդրությամբ նախատեսված իրավունքները։
4. Վճարման և առաքման պայմաններ
Կայքում ներկայացված ապրանքների գները ներառում են կիրառելի հարկերը։
Առաքման և այլ լրացուցիչ վճարների առկայության դեպքում դրանց չափը ներկայացվում է պատվերի ձևակերպման ընթացքում, իսկ վճարման ենթակա ընդհանուր գումարը ցուցադրվում է մինչև պատվերի վերջնական հաստատումը։
Վճարման հասանելի եղանակներն են՝
-
Կանխիկ վճարում՝ պատվերը ստանալիս։
-
Բանկային փոխանցում։
-
Առցանց վճարում՝ բանկային քարտով։
Վճարման հասանելի տարբերակների վերաբերյալ տեղեկությունները տրամադրվում են պատվերի ձևակերպման ընթացքում։
Պատվերների առաքումն իրականացվում է Երևանում և Հայաստանի Հանրապետության մարզերում՝ կայքում հրապարակված առաքման սակագներին և ժամկետներին համապատասխան։
Առաքման վերաբերյալ մանրամասն տեղեկությունները ներկայացված են կայքի «Առաքման պայմաններ» բաժնում։
5. Ապրանքների վերադարձ և փոխանակում
Գնված պատշաճ որակի ապրանքը կարող է վերադարձվել կամ փոխանակվել սպառողին հանձնելու օրվանից 14 օրվա ընթացքում՝ ՀՀ օրենսդրությամբ սահմանված պայմանների պահպանման դեպքում։
Վերադարձի կամ փոխանակման համար անհրաժեշտ է, որ՝
-
Ապրանքը օգտագործված չլինի։
-
Պահպանված լինեն ապրանքի արտաքին տեսքն ու սպառողական հատկությունները։
-
Պահպանված լինեն ապրանքի պիտակները և կապարակնիքները, եթե այդպիսիք առկա են։
-
Առկա լինի գնումը հաստատող համապատասխան փաստաթուղթը՝ օրենսդրությամբ նախատեսված պահանջներին համապատասխան։
ՀՀ օրենսդրությամբ սահմանված որոշ ապրանքատեսակներ, այդ թվում՝ անձնական հիգիենայի պարագաները, դեղամիջոցները և որոշ տրիկոտաժե արտադրատեսակներ, պատշաճ որակի դեպքում ենթակա չեն վերադարձի կամ փոխանակման։
Ապրանքների վերադարձի և փոխանակման վերաբերյալ մանրամասն պայմանները ներկայացված են կայքի «Ապրանքների վերադարձի և փոխանակման քաղաքականություն» բաժնում։
Սույն դրույթները չեն սահմանափակում սպառողի՝ ոչ պատշաճ որակի ապրանքների վերաբերյալ ՀՀ օրենսդրությամբ նախատեսված իրավունքները։
6. Պատասխանատվություն և վեճերի լուծում
Կողմերը պատասխանատվություն են կրում սույն դրույթներով և պայմաններով սահմանված պարտավորությունները չկատարելու կամ ոչ պատշաճ կատարելու համար՝ Հայաստանի Հանրապետության գործող օրենսդրությանը համապատասխան։
Կողմերի միջև առաջացած վեճերն ու տարաձայնությունները նախ փորձ է արվում լուծել բանակցությունների և փոխադարձ համաձայնության միջոցով։
Անհրաժեշտության դեպքում կողմերի համաձայնությամբ կարող են կիրառվել վեճերի արտադատական լուծման օրինական եղանակներ, այդ թվում՝ հաշտարարություն կամ այլ համապատասխան ընթացակարգեր։
Համաձայնության չհասնելու դեպքում վեճերը ենթակա են լուծման Հայաստանի Հանրապետության օրենսդրությամբ սահմանված դատական կարգով։